05 Ago Buscamos profesionais
Tras máis de 3 anos de traballo, queremos seguir crecendo e mellorando a calidade do servizo aos nosos clientes. Deste xeito abrimos as nosas portas para a recepción de novos perfís profesionais que queiran sumarse ao noso proxecto e que valoraremos de xeito minucioso segundo as necesidades que poidan xurdir.
Actualmente, temos interese en valorar os seguintes perfís:
- ADESTRAMENTO PERSOAL E READAPTACIÓN:
Profesionais para traballar nalgunha destas áreas e que nos permitan seguir incrementando a calidade do noso traballo nos diferentes perfís de clientes cos que traballamos. Tanto en adestramento persoal, como grupos reducidos de adestramento, como en sesións individualizadas de readaptación de pacientes.
- PILATES, YOGA E HIPOPRESIVOS:
Abrir novas miras, incrementando a calidade do noso traballo en grupos moi reducidos. Tamén se abren outras posibilidades de actividades a valorar.
- ESCOLA DE NATACIÓN:
Profesionais de máximo nivel para a ensinanza e coidado minucioso dos máis cativos na nosa Escola de Natación que dará comezo, un ano máis, no mes de setembro 2019.
E por suposto, estamos tamén abertos a diferentes suxerencias que nos poidan aportar diferentes e novas vías de crecemento.
Agardamos o teu CV en bjtrainers@gestlabsport.es ou ben de xeito presencial no noso Estudio de Adestramento BJ Trainers & Co., na Rúa Alcalde Lorenzo 13, baixo, Bertamiráns.