15 Dic BJ SOCIAL: BJ Trainers & Joyas del Camino en favor de Asociación Centinelas
BJ Trainers & Co. en colaboración con Joyas del Camino e enmarcado dentro do proxecto BJ Social, polo cal nos comprometemos ao longo de cada ano a realizar unha serie de actividades en favor de colectivos sociais da contorna, poñemos en marcha unha nova campaña de captación de fondos de cara ao Nadal 2022. Neste caso trátase dun SORTEO SOLIDARIO.
A participación realizarase mediante a compra de rifas por valor de 1€, tanto no Centro de adestramento BJ Trainers como na Tenda Joyas del Camino. Cada rifa dará acceso a participar no sorteo DUNHA CAMISETA DA SD COMPOSTELA da Temporada 2022-23 co nome e número elixido polo premiado. Para conseguila, o número da rifa ha de coincidir cos 3 útlimos números do primeiro premio da Lotería do Neno que se celebrará o Día de Reis, 6 de Xaneiro de 2023.
A recadación da campaña, irá integramente adicada á compra de cueiros, leite e artigos do coidado de bebés e será entregado á Asociación CentinELAS de Santiago de Compostela, asociación de axuda a mulleres e nais en situación de vulnerabilidade. Podedes atopar máis información sobre a mesma no seu web http://asociacioncentinelas.es/